Era ano di setenta y tréz
Antis ki nos terra, di bes,
ta mudaba sê storia
Ta intxeba di gloria
y se povo ta cantaba vitória
y ta içaba sê
propi bandera
Necê na meio-dia
di un kuarta fêra
Na mon di nha Mimi Piano,
Santa partera,
un fidju di parida
ku fino luz di bida.
Era primeru mes di ano
riba di un ilha
ki véu é neba
y cardeal é soldados
di capuz brumedjo
Necê na meio-dia
di un kuarta fera
na fralda di pano
padass di mi
Na un mon un piano
na oto profeta, credo...
na tom di nota mi.
Pa som el apaixonâ
versus el sprementâ
el resolvê declamâ...
Necel un bonina na peto
recebedu ku txeu ternura
recebedu ku txeu ternura
nun anu di tudo loucura
di un amor ki parceba ben feto
y nun clima di txeu afetos.
di un amor ki parceba ben feto
y nun clima di txeu afetos.
Pa fim el ka rizisti di cantâ
o di sunhâ di pisâ...
... alguns palcus di bida.
SS - Brava, 26/02/2014
SS - Brava, 26/02/2014
Beautiful. I like.
ResponderExcluir