Djabraba nha terra natal

José Gomes da Graça (Djidjinho-1912)


Djabraba nha terra natal
Djabraba, nha doce ninho
Terra de amor e carinho
É cu dor qui´n sta bai pa´n dixâ´l.


Cu sentimento ´N ta tchorâ´l
Cu ago d´odjo ´N ta regâ´l
´N ta pidi Deus ´xa´n pisâ´l
Mas un bez antis qui´n morrê.

Adeus nha cretcheu querida
Cretcheu qui da´n tanto linda
Mi´n ta pidi Deus na partida
Pa el ca dixa´n perdé bida.

Pidi Deus pa´n torna volta
Pa nu ben gozâ nos amor
Cu paz cu gosto e sen dor
E sempri alegre ta cantâ.